Bergdís Fanney skorar fyrir U17 í Finnlandi

10.05 2016

Eins og við höfðum áður sagt frá hafa þær Bergdís Fanney Einarsdóttir og Fríða Halldórsdóttir verið við keppni fyrir hönd U17 landsliðsins á UEFA móti í Finnlandi undanfarna daga, en hefur nú lokið keppni.

 

Í fyrsta leiknum, gegn Svíum, komu Skagastúlkurnar inná á 57. mínútu í 3-1 tapi.  Þær voru svo báðar í byrjunarliðinu gegn Finnum í öðrum leik, en sá leikur tapaðist einnig, 4-2.

 

Síðasti leikurinn á mótinu var gegn Rússum og fór fram snemma í morgun. Fríða var á bekknum þennan leik en Bergdís Fanney lék fyrstu 62 mínúturnar og skoraði lokamark Íslands í 5-2 stórsigri. Þarna kom fyrsta landsliðsmark Bergdísar en við höfum fulla trú á að þau eigi eftir að verða fleiri í framtíðinni.

 

Við óskum Bergdísi Fanney til hamingju með markið og stúlkunum báðum til hamgingju með þátttökuna í mótinu, það er alveg ljóst að þarna hafa þær náð sér í mikilvæga reynslu. 

Til baka