Fotbolta.net mótið. Skaginn hafnaði í fimmta sæti.

01.02 2015

Skagamenn urðu í  5. sæti á Fótbolta.net mótinu þegar þeir sigruðu Eyjamenn í vítaspyrnukeppni eftir að liðin skildu jöfn 2:2 eftir venjulegan leiktíma. En í vítaspyrnukeppninni höfðu Skagamenn betur 4:1

Eyjamenn náðu forystu snemma leiks en undir lok hálfleiksins fengu Skagamenn upplagt tækifæri til þess að jafna metin en þá varði markvörður Eyjamanna vítaspyrnu frá Garðari Gunnlaugssyni . Eyjamenn leiddu því 0:1 í hálfleik.

Um  miðjan síðari hálfleik bættu gestirnir við öðru marki og staðan orðin 0:2. En Skagamenn gáfust ekki upp og skömmu síðar minnkaði Hallur Flosason muninn með laglegu marki eftir gott einstaklingsframtak. Það var síðan Garðar Gunnlaugsson sem jafnaði leikinn 2:2 og þar við sat og þurfti því að grípa til vítaspyrnukeppni.

Skagamenn voru öryggið uppmálað í þeirri keppni og sigruðu örugglega 4:1.  Mörkin skoruðu þeir, Ásgeir Marteinsson, Árni  Snær Ólafsson,  Jón Vilhelm Ákason og Arnar Már Guðjónsson  

Byrjunarliðið: Árni Snær, Gylfi Veigar, Guðlaugur Þór, Darren, Ólafur Valur, Hallur, Arnar Már, Eggert Kári, Ásgeir, Jón Vilhelm og Garðar.  Í hálfleik kom Árni Þór Árnason inná fyrir Ólaf Val og í síðari hálfleik kom Teitur inná fyrir Darren.

Til baka