Fyrsta tap Skagamanna í Lengjubikarnum.

12.03 2015

Skagamenn töpuðu sínum fyrsta leik í Lengjubikarnum þegar þeir léku gegn Val í Egilshöllinni í kvöld. 

En leiknum lauk með sigri Valsmanna 3:1.

Valsmenn skoruðu öll mörk sín í fyrri hálfleik og leiddu því  3:0 í hálfleik.

En það var hinn ungi og efnilegi Albert Hafsteinsson sem minnkaði muninn fyrir Skagamenn í síðari hálfleik.

En Skagamenn fengu ágætis færi til þess að komast betur inn í leikinn í hálfleiknum.  En þá björguðu Valsmenn á marklínu skoti  frá Ásgeiri Marteinssyni og á lokamínútunni átti Arnar Már Guðjónsson skot í þverslá.

Þrátt fyrir tapið er staða  Skagamanna í riðlinum góð og trjóna þeir í efsta sæti með 12 stig. Fjórum stigum á undan Val, sem á reyndar leik til góða.

Skagamenn eiga tvo leiki eftir í riðlinum gegn Keflvíkingum og Fjarðarbyggð.
 

Lið Skagamanna var þannig skipað.

Árni Snær Ólafsson - Teitur Pétursson (Steinar Þorsteinsson 78.mín.), Arnór Snær Guðmundsson, Gylfi Veigar Gylfason, Darren Lough - Marko Andelkovic (Arnar Már Guðjónsson 46.mín.), Jón Vilhelm Ákason (Ásgeir Marteinsson 39.mín), Albert Hafsteinsson, Eggert Kári Karlsson, Arenij Buinickij (Þórður Þorsteinn Þórðarson 78.mín), Garðar Bergmann Gunnlaugsson. 

Til baka