ÍA semur við tvo erlenda leikmenn

25.01 2015

Knattspyrnufélag ÍA hefur samið við tvo erlenda leikmenn.  Hinn þrítuga Marko Andelković miðjumann frá Serbíu. Hann var á reynslu síðustu daga og spilaði gegn FH í gær.  Marko spilaði á síðasta ári með Viitorul frá Rúmeníu en er uppalinn með Partizan Belgrad.  Hann gerði frábæra hluti í Lithaen þar sem hann var tvöfaldur meistari með FK Ekranes árin 2011 og 2012, hann var kosinn besti erlendi leikmaður í sögu félagsins.

Sóknarmaðurinn Arsenij Buinickij frá Lithaen hefur einnig samið við Skagamenn. Arsenij er þrítugur og spilaði hann með KA í fyrstu deildinni síðasta sumar og skoraði 10 mörk. Hann var meistari í Lithaen með Ekranes árið 2012 þegar hann skoraði 13 mörk og það ár voru Arsenji og Marko liðsfélagar.  Hann spilaði við FH í meistaradeild Evrópu árið 2013.

Gunnlaugur Jónsson þjálfari ÍA var ánægður með liðstyrkinn:  "Við erum búnir að vinna í þessum leikmönnum í nokkurn tíma og ég er ánægður með að ná loksins að klára þetta. Við fylgdumst vel með Arsenji síðasta sumar og hann er góður sóknarleikmaður með mikla reynslu. Marko kom svo til landsins á reynslu síðustu daga og augljóst að þar er á ferðinni leikreyndur miðjumaður sem er öruggur á boltann og kemur til með að styrkja liðið mikið."

Meðfylgjandi mynd var tekin af Gunnlaugi Jónssyni þjálfara ÍA og Marko Andelkovic nú um helgina þegar samningurinn var handsalaður.

Heimasíða KFÍA bíður leikmennina hjartanlega velkomna á Skagann og óskar þeim alls hins besta í gulu treyjunni. 

Til baka