Lokahóf yngri flokka

24.09 2015

Lokahóf yngri flokka var haldið í Akraneshöllinni í gær.  Byrjað var á knattþrautum og vítaskotum þar sem leikmenn meistaraflokkanna stóðu vaktina.  Samúel Þorsteinsson tók nokkur skemmtileg lög og síðan tók við verðlaunaafhending.  Að lokum fengu allir grillaða pylsu og Svala áður en haldið var heim á leið.
Nálgast má myndir af lokahófinu inná Facebooksíðu félagsins.

Þeir sem fengu verðlaun á lokahófinu eru eftirtaldir:

3.fl.kvk
Besti leikmaður :           Bergdís Fanney Einarsdóttir
Efnilegasti leikmaður:  Fríða Halldórsdóttir
Mestu framfarir:            Dagmar Sara Bjarnadóttir

3.fl.kk
Besti leikmaður :           Ástþór Ýmir Alexandersson
Efnilegasti leikmaður:  Sigurður Hrannar Þorsteinsson
Mestu framfarir:             Róbert Ísak Erlingsson

4.fl.kvk
Besti leikmaður :           Ásta María Búadóttir
Efnilegasti leikmaður:  Erna Björt Elíasdóttir
Mestu framfarir:             Selma Dögg Þorsteinsdóttir

4.fl.kk
Besti leikmaður:           Marteinn Theodórsson
Efnilegasti leikmaður: Ísak Bergmann Jóhannesson
Mestu framfarir:            Óðinn Örn Óskarsson

5.fl.kvk
Leikmaður ársins: Védís Agla Reynisdóttir
Leikmaður ársins: Þorgerður Bjarnadóttir
Leikmaður ársins: Arnheiður Anna Hallvarðsdóttir

5.fl.kk
Leikmaður ársins: Tómas Þórisson
Leikmaður ársins: Hákon Arnar Haraldsson
Leikmaður ársins: Ólafur Haukur Arilíusson


Stínubikarinn:
Bergdís Fanney Einarsdóttir
Stínubikarinn var afhentur í fyrsta sinn efnilegasta leikmanni yngri flokka kvenna.  Stínubikarinn er nefndur í höfuðið á Kristínu Aðalsteinsdóttur, Stínu, sem er fyrsta landsliðskona ÍA en hún var burðarás í liði ÍA í kringum 1980 og lék sinn fyrsta landsleik árið 1981 og alls 3 landsleiki á árunum 1981-1982.
Stínubikarinn á að vera hvatning til ungra stelpna að stefna hátt og vinna sér sæti í meistaraflokki ÍA og landsliðinu eins og Stína gerði á sínum tíma.
Gefandi bikarsins er Þorgeir og Ellert hf.

Bergdís Fanney er 15 ára framherji sem stóð sig frábærlega með 3.flokki, 2.flokki og átti líka flotta innkomu í 3 leikjum með meistaraflokki kvenna.  Hún gerði 19 mörk í 14 leikjum með 3.flokki í sumar og 4 mörk í 6 leikjum með 2.flokki.

Donnabikarinn:
Arnór Sigurðsson

Donnabikarinn er afhentur efnilegasta leikmanni yngri flokka karla.
Donnabikarinn var fyrst afhentur árið 1983 en þá voru það Arnar og Bjarki Gunnlaugssynir sem hlutu þann heiður.  Í fyrra var það Guðmundur Sigurbjörnsson sem fékk þann bikar.
Donnabikarinn var gefinn árið 1983 af fjölskyldu Donna, sem hét fullu nafni Halldór Sigurbjörnsson, en hann var burðarás í fyrsta Gullaldarliði Skagamanna.  Hann lék 110 leiki með Skagamönnum og skoraði 40 mörk, en einnig lék hann 8 landsleiki fyrir Ísland.

Arnór er 16 ára miðjumaður.  Hann spilaði að mestu með 2.flokki í sumar og lék þar 14 leiki og gerði 1 mark.  Hann lék einnig 7 leiki með 3.flokki og gerði í þeim 6 mörk.  Arnór hefur æft með meistaraflokki ÍA í sumar og verið í leikmannahópi í 2 leikjum í sumar.  Arnór vann sér sæti í U17 landsliðinu á árinu og stóð sig vel í verkefnum landsliðsins.


Meðfylgjandi mynd er af Bergdísi Fanneyju með Stínubikarinn en Arnór var upptekinn í landsliðsverkefni með U17 í gær, en Sigurður Sigursteinsson faðir hans og Sunna Rún systir hans tóku við Donnabikarnum fyrir hönd Arnórs.  Með þeim á myndinni eru Magnús Guðmundsson formaður KFÍA og Lárus Ársælsson formaður uppeldissviðs KFÍA.

Til baka