Skagamenn mæta Fylki í Árbænum í dag

30.08 2015

Í dag verður hörkuleikur í Pepsi-deild karla þegar Skagamenn heimsækja Fylkismenn á Fylkisvöllinn kl. 18:00. Fyrr í sumar gerðu liðin markalaust jafntefli og stefna strákarnir á að gera betur í þessum leik. Um mikilvægan leik er að ræða fyrir okkar menn til að halda áfram ágætu gengi og koma okkur frá fallbaráttunni. Skagamenn eru í níunda sæti deildarinnar eftir ágætan leik gegn Fjölni í síðustu umferð sem endaði með jafntefli. Fylkir er í sjöunda sæti deildarinnar og siglir að mestu lygnan sjó enda sjö stig í fallbaráttuna hjá þeim.

 

Við hvetjum Skagamenn til þess að fjölmenna á Fylkisvöllinn í dag og hvetja þá gulklæddu til sigurs í þessum leik.

Til baka