Stelpurnar úr leik í Borgunarbikarnum

06.06 2015

Meistaraflokkur kvenna hélt norður á Akureyri í gær og lék við Pepsideildarlið Þór/KA í 16 liða úrslitum Borgunarbikarnum í gærkvöldi.  Leikið var innanhúss í Boganum á Akureyri.  Skagastelpur spiluðu agaðan varnarleik og var ekkert mark skorað í fyrri hálfleik en í síðari hálfleik gáfu okkar stelpur eftir og fyrsta mark leiksins kom á á 52. mínútu og það gerði Sandra María Jessen. Á 68. mínútu kom Andrea Mist Pálsdóttir Þór/KA í 2-0 og Sandra María skoraði sitt annað mark í leiknum og þriðja mark Þórs/KA á 74. mínútu. Það var svo Kayla Grimsley sem skoraði fjórða og síðasta mark leiksins á 88. mínútu.  Skagastelpur því úr leik í Borgunarbikarnum þetta árið.  Næsti leikur er heimaleikur gegn HK/Víkingi laugardainn 13. júní, en það er einn af toppleikjum sumarsins.

Nánar um bikarleikinn á vef KSÍ hér:  http://www.ksi.is/mot/motalisti/leikskyrsla/?Leikur=361978 

Til baka