Tap gegn Íslandsmeisturum Stjörnunnar

14.07 2014

Stelpurnar okkar mættu Íslandsmeisturum Stjörnunnar í síðasta leik fyrri umferðar Pepsideildar í kvöld.  Lokatölur urðu 5:0 Stjörnunni í vil eftir að staðan í leikhléi hafði verið 4:0.  Stjörnustelpur komu grimmar til leiks og skoruðu strax á 8.mín og bættu við þremur mörkum í viðbót í fyrri hálfleik á 21., 33. og 43. mín.  Skagastelpur áttu þó ágætar sóknir inn á milli og fengu eitt gott færi í hálfleiknum þegar Maren Leósdóttir komst ein í gegn en markvörður Stjörnunnar varði vel með úthlaupi.   Í síðari hálfleik jafnaðist leikurinn meira en Stjörnustúlkur bættu þó fimmta markinu við á 56.mín og þar við sat.

 

Stjörnustúlkur sýndu í þessum leik að það er ekki tilviljun að þær séu með 7 stiga forskot á toppi deildarinnar, en þær hafa unnið 8 leiki í röð eftir tap í fyrstu umferð.  Okkar stelpur börðust vel allan leikinn en það dugði ekki til að þessu sinni gegn gríðarsterku liði Stjörnunnar. 

Stelpurnar mæta næst Fylki í Árbænum mánudaginn 21. júlí.

 

Sjá viðtal við Þórð þjálfara á fótbolti.net hér:

http://fotbolti.net/game.php?action=view_article&id=1239">http://fotbolti.net/news/14-07-2014/thordur-thordar-vil-sja-meira-fra-utlendingunum

og frekari umfjöllun um leikinn.

http://fotbolti.net/game.php?action=view_article&id=1239

Til baka