Tap hjá stelpunum gegn Breiðabliki

23.09 2014

Skagastelpur mættu Breiðabliki í Pepsideildinni á Kópavogsvelli í gær.  Lokatölur leiksins urðu 3-1 fyrir Breiðabliki.  Þrátt fyrir tap léku okkar stelpur vel í þessum leik, spiluðu þéttan varnarleik og beittu skyndisóknum þegar þær unnu boltann.  Breiðablik var meira með boltann í fyrri hálfleik án þess að skapa sér mikið af færum en skoruðu þó fyrsta markið á 24. mín og bættu svo við öðru marki undir lok fyrri hálfleiks úr vafasamri vítaspyrnu.  Síðari hálfleikur var nokkuð svipaður, Breiðablik var meira með boltann og sköpuðu sér nokkur færi, en Ásta Vigdís var vel á verði í markinu.  Hún kom þó ekki í veg fyrir að Breiðablik skoraði þriðja mark sitt á 80.mín eftir hornspyrnu.   Guðrún Karítas minnkaði svo muninn fyrir ÍA á 90.mín og þar við sat.

Nánari umfjöllun um leikinn er á Fótbolti.net hér: http://fotbolti.net/game.php?action=view_article&id=1409

og viðtal við Þórð þjálfara hér:  http://fotbolti.net/news/22-09-2014/thordur-thordar-framtidin-er-bjort-a-skaganum

Síðasti leikur Skagastúlkna í Pepsideildinni í ár er á laugardaginn á Norðurálsvellinum gegn Íslandsmeisturum Stjörnunnar.

Til baka