Vesturlandsslagurinn á morgun !

22.05 2014

Þá er komið að öðrum heimaleik Skagamanna í 1. deildinni en á morgun, föstudag,  koma félagar okkar úr Víkingi Ólafsvík í heimsókn.  Leikurinn hefst kl. 19:15 á Norðurálsvellinum.  Búast má við hörkuleik en báðum liðum er spáð góðu gengi í deildinni.  Bæði lið eru með 3 stig eftir 2 umferðir og munu án efa sækja til sigurs.  Víkingar eru að slípa saman lið sitt og tefldu fram 6 útlendingum í síðasta leik sínum gegn Selfossi.  Það má því segja að þeir séu með óútreiknanlegt lið undir styrkri stjórn Ejub Purisevic.  Að sögn Gulla þjálfara eru allir leikmenn klárir í slaginn fyrir utan Ingimar Elí Hlynsson, sem enn glímir við meiðsli.  Við bjóðum Víkinga velkomna á Skagann á morgun.

Aðalstyrktaraðili leiksins er OLÍS, sem hefur verið einn af bakhjörlum liðsins um árabil.

Fjölmennum á völlinn.  Áfram Skagamenn!

Til baka