Iain Williamson til liðs við ÍA
15.05 2016ÍA hefur tekið skotann Iain James Williamson á láni frá Víking Reykjavík. Iain er leikreyndur 28 ára miðjumaður sem hefur spilað með Grindavík, Val og Víking hér á landi og skosku liðunum Dunfermline og Raith Rovers. Arnar Már Guðjónsson miðjumaður ÍA meiddist í leiknum gegn Fjölni en auk hans hefur Hallur Flosason átt við meiðsli að stríða og það er ástæðan fyrir því að félagið gekk frá samningum við Víking um lán á Williamsson. Iain verður góð viðbót í leikmannahóp ÍA og væntum við mikils af honum.
Meðfylgjandi mynd var tekin í dag af Iain og Gunnlaugi Jónssyni þjálfara eftir undirritun samingsins í dag. Iain mætir á sína fyrstu æfingu með ÍA í dag og á að vera kominn með leikheimild með ÍA fyrir leikinn gegn Víkingi Ólafsvík á morgun.