Skagamenn mæta Þrótti í kvöld

05.06 2016

Skagamenn mæta Þrótti í mikilvægum leik á Norðurálsvellinum kl. 19:15 í kvöld.  Bæði lið eru með 4 stig fyrir leikinn og er því um sannkallaðan "6 stiga" leik að ræða.  Okkar menn hafa undibúið sig vel í vikunni og verða klárir í slaginn í kvöld!

Aðalstyrktaraðili leiksins er Norðurál og af því tilefni býður Norðurál öllum frítt á leikinn !

 

Eins og svo oft áður heldur hið góða samstarf við listamenn á Akranesi áfram og í kvöld mun maður leiksins fá fallega styttu að gjöf frá Gyðu Jónsdóttur Wells, sem var útnefnd bæjarlistarmaður Akraness árið 2015.  Gyða vinnur bæði stóra og litla skúlptúra og málverk í vinnuaðstöðu sinni í Sementsverksmiðjunni á Akranesi, þar sem hún starfar ásamt fleiri listamönnum. Saman kalla þau sig Samsteypuna. Gyða segist fyrst og fremst vera myndhöggvari, þar sé hún á heimavelli.  Við þökkum Gyðu kærlega fyrir hennar framlag.

Til baka