Stelpurnar mæta Aftureldingu á Norðurálsvellinum í dag
03.09 2014Nú er komið að næst síðasta heimaleik stelpnanna í Pepsideildinni þetta árið. Í dag kl. 18 mæta þær liði Aftureldingar sem situr í næst neðsta sæti og berst fyrir lífi sínu í deildinni. Búast má við hörkuleik þar sem stelpurnar okkar eru staðráðnar í því að ná sínum fyrsta sigri í deildinni í dag. Við hvetjum fólk til að mæta og styðja stelpurnar til sigurs!
Aðalstyrktaraðili leiksins er Endurskoðunarstofan Álit, Smiðjuvöllum 7, Akranesi, heimasíða: http://end.is
Í hálfleik verður að venju selt kaffi, kleina og happdrættismiði á aðeins 500 kr. Dýrfinna Torfadóttir gullsmiður gefur happdrættisvinning eins og áður og rennur ágóðinn af sölunni til meistaraflokks kvenna.
Ingigerður Guðmundsdóttir gefur ÍA leikmanni leiksins fallegt keramikverk.
Áfram ÍA !