Stelpurnar mæta Selfossi á Norðurálsvellinum á morgun, fimmtudag kl. 19:15
13.08 2014Stelpurnar mæta Selfossi á Norðurálsvellinum í 13. umferð Pepsideildarinnar á morgun kl. 19:15. Í síðasta heimaleik gegn FH náðu stelpurnar í sitt fyrsta stig í deildinni og voru óheppnar að ná ekki í öll þrjú stigin í þeim leik. Stelpurnar ætla að fylgja því eftir og stefna að sigri á morgun gegn sterku liði Selfoss sem er fyrir leikinn í 5.sæti deildarinnar.
Aðalstyrktaraðili leiksins er Norðurál !
Í hálfleik, í leiknum í kvöld, verður hægt að kaupa kaffi, kleinu og happdrættismiða fyrir aðeins 500 krónur og rennur allur ágóði til meistaraflokks kvenna.
Happdrættisvinninginn gefur Dýrfinna Torfadóttir gullsmiður og verður dregið úr seldum happdrættismiðum í seinni hálfleik.
Elín Ólöf Eiríksdóttir gefur leikmanni leiksins olíumynd af Akrafjalli, sem einmitt prýðir myndina með þessari frétt. Færum við henni bestu þakkir fyrir.
Fjölmennum á völlinn. Áfram Skagamenn !