2. flokkur ÍA í Nerpes í Finnlandi á vegum ÍA og Norræna félagsins árið 1958. Piltarnir spiluðu einnig í Vestervik í Svíþjóð í þessari ferð. Þetta var fyrsta knattspyrnuferð yngri flokks frá Akranesi til útlanda. Aftari röð f.v.: Kristján Þórarinsson, Skúli Hákonarson, Jóhannes Kristján Þórðarson, Helgi Hannesson, Björn Þ. Guðmundsson og Ingvar Elísson. Fremri röð f.v.: Tómas Runólfsson, Bjarni Árnason, Hörður Ólafsson, Guðni Þórðarson og Hafsteinn Elíasson.

Fyrsta knattspyrnuferð yngri flokks (2. flokkur) frá ÍA til útlanda árið 1958. Piltarnir spiluðu í Närpes í Finnland og einnig í Vestervik í Svíþjóð. Á myndinni hafa yngismeyjar frá Kristinestad í Finnlandi stillt sér upp hjá drengjunum. Frá vinstri: Hafsteinn Elíasson, Guðni Þórðarson, Jóhannes Kristján Þórðarson, Sigurður Sigurðsson, Hörður Ólafsson (brosandi aftast), Gunnar Hjörtur Gunnarsson, Björn Þ. (Þorsteinn) Guðmundsson (fremst fyrir miðju), Ingvar Elíasson (aftast), Ármann Sigurðsson, Margeir Daníelsson, Kjartan Trausti Sigurðsson (sést í enni aftast), Helgi Hannesson, Tómas Runólfsson (aftast), Bjarni Árnason, Skúli Hákonarson, Kristján Þórarinsson (má greina hann aftast) og Bogi Sigurðsson. Jakob Sigurðsson var þjálfari liðsins.

Meistaraflokkar karla fyrir leik ÍA og Ísafjarðar á Ísafirði árið 1958. Myndin er tekin á knattspyrnuvellinum þar. Þetta var fyrsti leikur Tómasar Runólfssonar með meistaraflokki karla. Aftari röð f.v.: Friðrik/Diddi á Horninu sem var dómari leiksins. Síðan kemur lið Akurnesinga f.v.: Helgi Hannesson, Tómas Runólfsson, Ingvar Elísson, Sveinn Teitsson, Guðmundur Sigurðsson, Helgi Björgvinsson, Skúli Hákonarson, Þórður Jónsson, Þórður Þórðarson, Helgi Daníelsson og Ríkharður Jónsson fyrirliði. - Lengst t.h. er Alfreð Alfreðsson frá Ísafirði.

Björgvin Schram, formaður Knattspyrnusambands Íslands, afhendir Ríkharði Jónssyni, fyrirliða ÍA, Íslandsmeistarabikarinn í knattspyrnu. Athöfnin fór fram í íþróttahúsinu við Laugarbraut á Akranesi. Maðurinn t.v. á myndinni er Jón Magnússon sem sat á þriðja áratug í stjórn KSÍ og var um árabil formaður mótanefndar KSÍ.

Á gullaldarárunum var Íslandsbikarinn aðeins einu sinni afhentur upp á Akranesi, haustið 1958. Björgvin Schram, formaður KSÍ, afhendir hér Helga Daníelssyni verðlaunapening í hófi, sem haldið var í samkomusal gamla íþróttahússins við Laugabraut.

Áður en Skagamenn fengu eiginlegan grasvöll til knattspyrnu var æft á grasi víða í bænum. Grasvellirnir fyrir fram Barnaskóla Akraness, síðar Brekkubæjarskóla, voru vinsælir og hér má sjá m.a. Helga Daníelsson verja markið á þeim slóðum árið 1958.